Wie bint officieel ambtenaren wörden!

Doonderdag 26 oktober was ‘t zowied: wie bint officieel ambtenaren wörden!

‘n Belofte-dag begun veur oons um 12 uur ‘s middags met ‘n middagetten met oonze traineegroep.

Toen wie dat noar binnen wearkt hadden, kreggen wie ’n stuk of wat (spoed) presentaties van organisaties dee as gastorganisaties oonderdak hebt bie Regio Twente. Wie begunnen met ne presentatie oaver Twentse Kracht, woar wie as trainees ok oonder valt. Doarnoa kwam ne presentatie van OZJT (oaver de samenwerking in de zoarg) ,’t Kennispunt Twente (met oald-trainee Nikki) en de GGD Twente (dee ’n filmke met heel völ spuiten leut zeen…, dat kon wa wat meender….)

Onwies interessant en leerzaam um te wetten wat der allemoal binnen de regio te doon is! Hiernoa gung ’t pas echt los: ‘t ofleggen van de belofte. Dit döa Gerharda Tamminga, ‘n algemenen directeur van Regio Twente.

Noa nen oetleg oaver wat de belofte inhoald en ‘t veurleazen dervan mochen wie allemoal noar veurten kommen um “dat verkloar en beloaf ik” op te zeggen. Noa dit gebeuren bint wie oaver de Cultuurmijl noar ‘t museum TwentseWelle goan. Hier hetten Harry Nijhuis oons welkom en hee hef oons ne onmeundig mooie presentatie gövven oaver Twente. Hiernoa ha’w nog efkes de tied um in ‘t museum roond te lopen en konnen wie as greutse Tukkers ‘m weer an trappen, op hoes op an.

-.-.-.-

(Omdat wij helaas niet toe zijn gekomen aan de cursus Twentse taal, heeft mr. Nijhuis deze blog voor ons in het Twents vertaald! Soeper daank oe wa!)

Onze website maakt gebruik van cookies. Klik hier voor informatie over ons cookiebeleid en privacy statement. Accepteer om toestemming te geven voor het plaatsen van cookies.Accepteer cookies